ب شانازی و دلخۆشیڤە، ئەڤرۆکە ل زانکۆیا زاخۆ، د ڕێورەسمەکێ فەرمی دا، ڕێز و سوپاسی ژلایێ سەرۆکێ زانکۆیێ ڕێزدار (پ.د. دیار عبدالکریم سعید) ئاراستەیی مامۆستایێن پشکدار و ڤەکۆلەرێن زانکۆیا مە هاتە کرن، ئەوێن ناڤێن وان د لیستەیا ناڤدارا جیهانی دا (Stanford/Elsevier Top 2% Scientists List) بۆ سالا 2026 هاتینە تۆمارکرن. ئەڤ دەستکەفتێ مەزن و خەلاتکرنا ڤان مامۆستایان؛ مەزنترین بهانەیە بۆ بلند ڕاگرتنا ناڤێ زانکۆیا زاخۆ ل سەر ئاستێ ناڤدەولەتی.
مامۆستایێن ناڤبری یێن کو هاتینە خەلاتکرن پێکدهێن ژ:
پ.د. نوفل رشید حسین
پ.هـ.د. رمضان جعفر مصطفی
پ.د. هژار فرحان اسماعیل
پ.هـ.د. کارمینا کمال علی
پ.هـ.د. خالد صبحی ابراهیم
م. سمیرە شکر محمد امین
پیرۆزباهی و ڕێزلێنان: ب هەلکەفتا ئەڤی دەستکەفتێ مه‌زن و زانستی و خەلاتکرنا ڤان مامۆستایان، سەرۆکاتیا زانکۆیا زاخۆ ب ناڤێ هەمی مامۆستا و فەرمانبەر و قوتابیان، جوانترین پیرۆزباهی و گەرمترین دەستخۆشیێ ل ڤان مامۆستایێن هێژا دکەت، کۆ ب هەول و ماندووبوونا خۆ یا بەردەوام ڤی سەروەریا مەزن بۆ زانکۆیا مە ئینایە مەیدانێ. هیڤیا سەرکەفتن و پێشڤەبرنا بەردەوام بۆ هەمی مامۆستایێن زانکۆیا زاخۆ دخوازین، داکۆ هەردەم سەرفەراز و پێشەنگ بن د ناڤەندێن زانستی یێن جیهانێ دا.